МИЗИ МУДАВВАР: САЛОҲИЯТҲОИ ХАТМКУНАНДАГОН ДАР ШАРОИТИ МУОСИР: ТАЛАБОТ ВА ИНТИЗОРИИ КОРФАРМОЁН
Дар Донишкадаи политехнии Донишгоҳи техникии Тоҷикистон дар шаҳри Хуҷанд аз тарафи факултети энергетика бо ҳамкорӣ бо маркази рушди касбият ва маркази илмии таҳкими сармоя инсонӣ мизи мудаввар таҳти унвони — «Салоҳиятҳои хатмкунандагон дар шароити муосир: талабот ва интизории корфармоён» бахшида ба 35 солагии Истиқлолияти Ҷумҳурии Тоҷикистон баргузор гардид.
Дар чорабини мазкур намояндагони корхонаҳо ва ташкилотҳои шаҳру вилоят, аз ҷумла ҶДММ «Фаровон», ҶДММ «ФП Назар», ҶДММ «Бизнес Консалтинг», ҶДММ «Осиё инвест», ҶСП «Бонки Эсхата», ҶДММ «Мавсим», ФҶСК «Шабакаҳои тақсимоти барқ» (ш. Гулистон) ва ФҶСК «Шабакаҳои интиқоли барқ» (ш. Хуҷанд) ширкат варзиданд.
Чорабиниро бо сухани ифтитоҳӣ муовини директор оид ба таълим Мазбут Холиқзода ва декани факултаи энергетикӣ Шаҳзода Назирӣ ҳусни оғоз намуда аҳамияти муколамаи байни ҷомеаи академӣ ва бахши истеҳсолотро таъкид намуданд.
Бо маърӯзаи худ роҳбари маркази рушди касбияти донишкада Муҳаббат Бахтиёрзода баромад намуда, оид ба нақши марказ барои дастгирии хатмкунандагон дар бозори меҳнат маълумот дод.
Дар бахши музокира саволи асосии мизи мудаввар – “Чи гуна талаботҳо ба салоҳияти хатмкунандагони замони имрӯза мавҷуданд ?” ба миён гузошта шуда намояндагони корхонаҳо андешаҳои худро оиди ин савол баён карданд.
Мавриди зикр аст, ки чунин вохӯриҳо барои алоқамандии байни донишкада ва истеҳсолот кӯмак мекунад, то ки онҳо дар бозори меҳнат ҷойи арзандаи худро пайдо кунанд.
Шуъбаи иттилоот ва кор бо ВАО
